കേരള മുഖ്യമന്ത്രിയ്ക്ക് ഒരു കത്ത്

പ്രസ്തുത കത്തിന്റെ കോപ്പി കേരള മുഖ്യമന്ത്രിയ്ക്ക് പോസ്റ്റലായി എല്ലാപേരും അയക്കുവാനായി അഭ്യര്‍ത്ഥിക്കുന്നു.

Please join – 5th July 2008 – 2.00 pm – PG Centre, Thrissur

കടപ്പാട്‌: മാതൃഭൂമി എഡിറ്റോറിയല്‍ 30-6-07

പൂര്‍ണരൂപത്തില്‍ കാണുവാന്‍ ചിത്രത്തില്‍ ക്ലിക്ക്‌ ചെയ്യുക.

പേജുകള്‍ പി.ഡി.എഫ്‌ ഫയലുകളായി അവതരിപ്പിക്കുന്നു.

1. പേജ്‌ 2 മുതല്‍ 14 വരെ
2. പേജ്‌ 15 മുതല്‍ 30 വരെ
3. പേജ്‌ 31 മുതല്‍ 44 വരെ
4. പേജ് 45 മുതല്‍ 57 വരെ
5. പേജ്‌ 58 മുതല്‍ 67 വരെ

റാലിയില്‍ നിന്നൊരു ദൃശ്യം

നമ്മുടെ നാട്ടിലെ ഭക്ഷ്യസുരക്ഷിതത്വത്തെയും ഭക്ഷ്യ പരമാധികാരത്തെയും ഭൂമിയ്ര്യും ജനങ്ങളെയും സംരക്ഷിക്കുന്നതിനുവേണ്ടി ഇന്നാട്ടിലെ കര്‍ഷക സംഘടനകളും ട്രേഡ്‌ യൂണിയനുകളും ഉപഭോക്തൃ സംഘടനകളും സ്വയം സഹായ സംഘങ്ങളും മറ്റു സംഘടനകളും ചേര്‍ന്ന്‌ ദേശീയ കര്‍ഷക ദിനമായ ഡിസംബര്‍ 23 ന് നടത്തിയ പ്രഖ്യാപനം. 

സ്വാതന്ത്ര്യം കിട്ടി 60 വര്‍ഷങ്ങള്‍ക്കുശേഷം ഇന്ന്‌ നമ്മുടെ രാജ്യം ഭക്ഷ്യ സുരക്ഷിതത്വത്തിന്റെയും ദേശീയ പരമാധികാരത്തിന്റെയും കാര്യത്തില്‍ അങ്ങേയറ്റത്തെ പ്രതിസന്ധി നേരിട്ടുകൊണ്ടിരിക്കയാണ്. രാജ്യം നേരിടുന്ന കാര്‍ഷിക പ്രതിസന്ധിയെക്കുറിച്ച്‌ നമ്മുടെ പ്രധാനമന്ത്രിതന്നെ ഔദ്യോഗികമായി പറയുകയുണ്ടായി. ഇതിനും പുറമേ ഡോ. എം.എസ്‌. സ്വാമിനാഥന്‍ ചെയര്‍മാനായ ദേശീയ കര്‍ഷക കമ്മീഷന്റെ റിപ്പോര്‍ട്ടും രാജ്യത്തെ കര്‍ഷക സമൂഹങ്ങളുടെ ഇന്നത്തെ അവസ്ഥ വിശദീകരിക്കുന്നുണ്ട്‌.

നമ്മുടെ ജനസംഖ്യയുടെ 65 ശതമാനത്തിലേറെയുള്ള കര്‍ഷകരുടെ ജീവനോപാധികള്‍ ഘട്ടംഘട്ടമായി നശിപ്പിക്കപ്പെട്ടുകൊണ്ടിരിക്കുകയാണ്. ഹരിതവിപ്ലവത്തിന്റെ ഹൃദയമെന്ന്‌ പറയപ്പെടുന്ന പ്രദേശങ്ങളില്‍നിന്ന്‌ രൂക്ഷമായ പാരിസ്ഥിതിക തകര്‍ച്ചയും പ്രകൃതിവിഭവങ്ങളുടെ ചൂഷണവും നേരിട്ടുകൊണ്ടിരിക്കുകയാണ്. ഹരിതവിപ്ലവം തകര്‍ന്നു കഴിഞ്ഞു. ശരിയായ ഒരു ദര്‍ശനത്തിന്റെ അഭാവവും അശ്രദ്ധമായ നടപ്പാക്കലും കാരണം ആദ്യ ഹരിത വിപ്ലവം കൃഷിയുടെ നിലനില്‍പ് തന്നെ തകര്‍ക്കുകയും നമ്മുടെ ഭക്ഷണവും വായുവും വെള്ളവും വരെ വിഷമയമാക്കുകയും ചെയ്തു. ഈയൊരു സാഹചര്യത്തില്‍ മൊന്‍സാന്റോ പോലുള്ള കുത്തക കമ്പനികള്‍ നമ്മുടെ സര്‍ക്കാരിന്റെ തന്നെ സഹായത്തോടെ നമ്മുടെ വിത്തുകളെയും ഭക്ഷണത്തിന്റെയും മേല്‍ അടുത്തൊരു നിയന്ത്രണം കൊണ്ടുവരാന്‍ ശ്രമിക്കുകയാണ്. ഇന്‍ഡോ യു.എസ്‌. നോളജ്‌  ഇനിഷ്യേറ്റീവ്‌ എന്ന തന്ത്രപരമായ വഴിയിലൂടെ ഒരു രണ്ടാം ഹരിതവിപ്ലവത്തിനുവേണ്ടി ശ്രമിക്കുകയാണ് മൊന്‍സാന്റോ പോലുള്ള കമ്പനികള്‍. നമ്മുടെ നാട്ടിലെ ജനിതക സമ്പത്ത്‌ കൊള്ളയടിക്കുക എന്നതിനെ സാധൂകരിക്കുകയെന്നതും ഈ ഉഭയകക്ഷി കരാറിന്റെ ഉദ്ദേശമാണ്. നമ്മുടെ നാട്ടിലെ കാര്‍ഷിക സര്‍വകലാശാലകളും മറ്റ്‌ സര്‍വകല്ലാശാലകളുമായി ഉണ്ടാക്കുന്ന പാര്‍ട്‌ണര്‍ഷിപ്പിലൂടെയാണ് കമ്പനികള്‍ ഇത്‌ സാധിച്ചെടുക്കുക.

ഈയൊരു സാഹചര്യത്തില്‍ ജനിതകമാറ്റം വരുത്തിയ വിത്തുകള്‍ക്ക്‌ നമ്മുടെ സര്‍ക്കാര്‍ അനുമതി നല്‍കുകയാണെങ്കില്‍ അത്‌ നമ്മുടെ കാര്‍ഷിക സമ്പദ്‌വ്യവസ്ഥ, പരിസ്ഥിതി, ആരോഗ്യം, ദേശീയ പരമാധികാരം എന്നിവയെയായിരിക്കും തകര്‍ക്കുക. ഇംഗ്ലണ്ടില്‍ നടത്തിയ പരീക്ഷണങ്ങള്‍ കണ്ടെത്തിയത്‌ ജനിതക മാറ്റം വരുത്തിയ ജീവികള്‍ വന്യ മൃഗങ്ങളെ നശിപ്പിക്കുമെന്നാണ്. ലോകത്തിന്റെ പലഭാഗത്തുനിന്നുമുള്ള അനുഭവങ്ങള്‍ കാണിക്കുന്നതും സ്വാഭാവിക ജൈവ വൈവിധ്യത്തെ, ജനിതകമാറ്റം വരുത്തിയ വിത്തുകള്‍ ബാധിക്കുമെന്നുതന്നെയാണ്. ലോകത്ത്‌ എല്ലായിടത്തും തന്നെ ഉപഭോക്താക്കള്‍ ജനിതകമാറ്റം വരുത്തിയ ഭക്ഷണത്തിനെതിരെയാണ്. യൂറോപ്യന്‍ യൂണിയനിലെ 30 പ്രധാനപ്പെട്ട വ്യാപാരകേന്ദ്രങ്ങളില്‍ 27 ഉം ജി.എം. ഭക്ഷണത്തിനെതിരെ നിലപാടെടുത്തു കഴിഞ്ഞു.

ജനിതകമാറ്റം വരുത്തിയ വിളകള്‍ കൃഷിഭൂമിയിലെത്തിയിട്ട്‌ 15 വര്‍ഷങ്ങളായെങ്കിലും ഇപ്പോഴും 21 രാജ്യങ്ങളില്‍ മാത്രമേ ഇത്‌ കുറച്ചെങ്കിലും കൃഷിചെയ്യുന്നുള്ളു. അതു തന്നെയും  നാല് പ്രധാനപ്പെട്ട വിള്‍കളില്‍ മാത്രം – പരുത്തി, സോയാബീന്‍‌സ്‌, ചോളം, കടുക്‌ എന്നിവയില്‍. ഇവയില്‍ തന്നെ കളനാശിനിക്കെതിരെയും കീടങ്ങള്‍ക്കെതിരെയും ഉള്ള പ്രതിരോധം ഉണ്ടാക്കുക മാത്രമാണ് ശ്രമിച്ചിട്ടുള്ളത്‌. ലോകത്ത്‌ ഇന്ന്‌ കൃഷിചെയ്യുന്ന ജനിതകമാറ്റം വരുത്തിയ വിളകളുടെ 94 ശതമാനവും ഉള്ളത്‌ നാല് രാജ്യങ്ങളിലാണ് – അമേരിക്ക, അര്‍ജ്ജന്റീന, കാനഡ്, ചൈന എന്നീ രാജ്യങ്ങളില്‍. ജി.എം. വിത്തുകളുടെ ഉടമസ്ഥാവകാശത്തില്‍ 91 ശതമാനവും മൊന്‍സാന്റോ എന്ന ഒരൊറ്റ കമ്പനിക്കു മാത്രമുള്ളതാണ്. ഏറ്റവും പ്രധാനപ്പെട്ട മറ്റൊരു കാര്യമുള്ളത്‌ ജി.എം. വിളകളൊന്നും തന്നെ ഉല്‍‌പാദനക്ഷമത കൂട്ടിയിട്ടില്ല എന്നതാണ്. വാസ്തവത്തില്‍ പഠനങ്ങള്‍ കാണിക്കുന്നത്‌ ജി.എം. വിളകളുടെ ഉല്പാദനം സാധാരണം വിളകളെക്കാള്‍ കുറവാണെന്നതാണ്. ഇതിനും പുറമെ മനുഷ്യര്‍ക്കും മൃഗങ്ങള്‍ക്കും ജി.എം. വിളകള്‍ വരുത്തുന്ന ആരോഗ്യ തകരാറുകളെക്കുറിച്ചും തെളിവുകള്‍ പുറത്തു വന്നുകൊണ്ടിരിക്കുന്നു.

ജനിതകമാറ്റം വരുത്തിയ വിളകള്‍ ഉയര്‍ത്തുന്ന മറ്റൊരു ഭീഷണി ഇവയുടെ ഉടമസ്ഥതയെ കുറിച്ചുക്ല്ലതാണ്. ഈ വിത്തുകളെല്ലാം തന്നെ പേറ്റന്റ്‌ ഉള്ളവയാണ്. ഇതിനര്‍ത്ഥം കര്‍ഷകന് ഇവ സൂക്ഷിക്കുവാനോ, രണ്ടാമത്‌ വിതക്കാനോ, കൈമാറ്റം ചെയ്യാനോ കഴിയില്ല എന്നതാണ്. ഇങ്ങനെ ചെയ്യുന്ന കൃഷിക്കാര്‍  ശിക്ഷിക്കപ്പെടാം.  ഇത്‌ കര്‍ഷകരുടെ അവകാശത്തിന്മേലുള്ള കടന്നു കയറ്റമാണ്. ഇത്‌ നമുക്കൊരിക്കലും അംഗീകരിക്കാന്‍ കഴിയാത്ത കാര്യമാണ്. പേറ്റന്റ്‌ ഉള്ള ഇത്തരം സാങ്കേതിക വിദ്യകളുടെ കടന്നു കയറ്റം ദശലക്ഷക്കണക്കിന് വരുന്ന ഇന്ത്യക്കാരുടെ അടിസ്ഥാന ജീവനോപാധികളെയാണ് തകര്‍ത്തു കളയുന്നത്‌. ദേശീയ ഭക്ഷ്യ സുരക്ഷയ്ക്കും രാജ്യത്തിന്റെ പരമാധികാരത്തിനും ഇത്‌ വലിയ ഭീഷണിയാണ് സൃഷ്ടിക്കുന്നത്‌. ജനിതകമാറ്റം വരുത്തിയ വിളകള്‍ അതുണ്ടാക്കുന്ന കമ്പനികള്‍ക്കൊഴികെ മറ്റെല്ലാവര്‍ക്കും അപകടകരമാണ്.

ഇതിന്റെ മറുവശം നോക്കുകയാണെങ്കില്‍ കര്‍ഷകരുടെയും വിവിധ സംഘടനകളുടെയും നേതൃത്വത്തില്‍ നടക്കുന്ന പരിസ്ഥിതിക്കിണങ്ങിയ ജൈവകൃഷി മാര്‍ഗങ്ങള്‍ കര്‍ഷകനെ അടിസ്ഥാനമാക്കിയുള്ളതും നിലനില്‍ക്കുന്നതുമായ സാങ്കേതിക വിദ്യകളാണ് അവലംബിക്കുന്നത്‌. ഇത്‌ കേന്ദ്ര-സംസ്ഥാന സര്‍ക്കാരുകള്‍ അംഗീകരിച്ചിട്ടുള്ളതുമാണ്.

ഈ രാജ്യത്തെ കര്‍ഷകരുടെയും ഉപഭോക്താക്കളുടെയും കച്ചവടക്കാരുടെയും താല്പര്യം മുന്‍‌നിറുത്തി, ജനിതകമാറ്റം വരുത്തിയ വിത്തുകളില്ലാത്ത ഒരു രാജ്യമാ‍യി ഇന്ത്യ നിലനില്‍ക്കണമെന്ന്‌ ഈ ഫോറം ആവശ്യപ്പെടുന്നു.  നമ്മുടെ രാജ്യത്തിന്റെ ഭക്ഷ്യസുരക്ഷിതത്വം, ഭക്ഷ്യപരമാധികാരം, ജൈവ വൈവിധ്യം, കച്ചവട സുരക്ഷിതത്വം എന്നിവ ഉറപ്പാക്കുന്നതിനുവേണ്ടി കേന്ദ്ര സംസ്ഥാന സര്‍ക്കാരുകള്‍ നമ്മുടെ രാജ്യത്തെ ഒരു ജി.എം. രഹിത രാജ്യമായി പ്രഖ്യാപിക്കണം. കാര്‍ഷിക വിളകളിലും മൃഗങ്ങളിലും നടക്കുന്ന എല്ലാ ജനിതകമാറ്റം പരീക്ഷണങ്ങളും ഉടന്‍‌തന്നെ നിറുത്തി വയ്ക്കണമെന്നും പരിസ്ഥിതിക്കിണങ്ങുന്നതും നിലനില്‍ക്കുന്നതുമായ കാര്‍ഷിക രീതികള്‍ പ്രോത്സാഹിപ്പിക്കാന്‍ സര്‍ക്കാര്‍ മുമ്പോട്ട്‌ വരണമെന്നും ഈ ഫോറം ആവശ്യപ്പെടുന്നു.

ദേശീയ കര്‍ഷകദിനം – ഡിസംബര്‍ 23, 2003, തഞ്ചാവൂര്‍, തമിഴ്‌നാട്‌.

സവ്വശ്രീ. ജി. നമ്മള്‍വാര്‍ സംസാരിക്കുന്നു

കാര്‍ഷിക പ്രതിസന്ധിയെക്കുറിച്ചും ജനിതകമാറ്റം വരുത്തിയ വിളകളെക്കുറിച്ചുമുള്ള ദക്ഷിണേന്ത്യന്‍ ശില്പശാല ദേശീയ കര്‍ഷക ദിനത്തെ കൃഷിക്കാരുടെ ഉയര്‍ത്തെഴുന്നേല്‍പ്പിനുള്ള ദിവസമായി ആഘോഷിച്ചു. കര്‍ഷക സംഘടനകളും, തമിഴ്‌നാട്‌, കേരളം, ആന്ധ്രപ്രദേശ്‌, കര്‍ണാടക്, പോണ്ടിച്ചേരി, മഹാരാഷ്ട്ര, ഛത്തീസ്‌ഗഡ്‌ തുടങ്ങിയ സംസ്ഥാനങ്ങളില്‍ നിന്നുള്ള സന്നദ്ധ സംഘടനകളും ഇതിനോടനുബന്ധിച്ചു നടന്ന ശില്പശാല, റാലി പൊതുമീറ്റിംഗ്‌ എന്നിവയില്‍ പങ്കെടുത്തു. പ്രമുഖ രാഷ്ട്രീയപ്പാര്‍ട്ടികളുടെ  അംഗ സംഘടനകള്‍, ഫെഡറേഷന്‍ ഓഫ്‌ കണ്‍‌സ്യൂമര്‍ ഓര്‍‌ഗനൈസേഷന്‍‌സ്‌ ഓഫ്‌ തമിഴ്‌നാട്‌ ആന്റ്‌ പോണ്ടിച്ചേരി (FEDCOT), തമിഴ്‌നാട്‌ ഓര്‍ഗാനിക്‌ അഗ്രിക്കള്‍ച്ചറിസ്‌റ്റ്‌സ്‌ മൊവ്‌മെന്റ്‌ (TNOAM), ക്രിയേറ്റ്‌ ട്രസ്റ്റ്‌  (CREATE Trust),  സേവ ട്രസ്റ്റ്‌ (SEVA Trust), തമിഴ്‌നാട്‌ വണിഹര്‍ സംഘത്തില്‍ പേരവെയ്‌, ഫെഡറേഷന്‍ ഓഫ്‌ റൈസ്‌ ട്രേഡേഴ്‌സ്‌ അസോസിയേഷന്‍, തണല്‍, കിസാന്‍ ജ്യോതി, ദേശീയ കര്‍ഷക സമിതി (കേരളം), സെന്റര്‍ ഫോര്‍ സസ്‌സ്റ്റൈനബിള്‍ അഗ്രിക്കള്‍ച്ചര്‍ (ആന്ധ്രപ്രദേശ്‌), നാഗരിക സേവ ട്രസ്റ്റ്‌ (കര്‍ണാടക), കര്‍ണാടക രാജ്യ നായ്‌ത്ത സംഘ  (KRRS), ഇക്ര (ICRA, കര്‍ണാടക) എന്നിവര്‍ ഈ പരിപാടിയെ പിന്തുണച്ചു.

തമിഴ്‌നാട്‌ ഓര്‍ഗാനിക്‌ അഗ്രിക്കള്‍ച്ചറിസ്റ്റ്‌സ്‌ മൂവ്‌മെന്റിന്റെ പ്രസിഡന്റായ സര്‍വ്വശ്രീ. ജി. നമ്മള്‍‍വാര്‍ യോഗത്തിന് അദ്ധ്യക്ഷത വഹിച്ചു. ന്യൂഡല്‍ഹിയില്‍ നിന്നുള്ള ഭക്ഷ്യ, വ്യാപാര വിദഗ്‌ദ്ധനായ ഡോ. ദേവിന്ദര്‍ ശര്‍മ്മ, കണ്‍‌സ്യൂമര്‍ കൌണ്‍‌സില്‍ ഓഫ്‌ ഇന്ത്യയുടെ അദ്ധ്യക്ഷനായ പ്രൊഫ. ദൊരൈ സിംഗം എന്നിവര്‍ പ്രത്യേക പ്രഭാഷണങ്ങള്‍ നടത്തി. തമിഴ്‌നാട്‌ വണിഹര്‍ സംഘത്തില്‍ പേരവയുടെ പ്രസിഡന്റ്‌ ശ്രീ. ടി. വെള്ളയന്‍ ഉദ്‌ഘാടന പ്രസംഗം നടത്തി. ആന്ധ്രപ്രദേശിലെ ‘സി.എസ്‌.എ’ യില്‍ നിന്നുള്ള കവിത കുറുഗാഡി, മഹാരാഷ്ട്രയിലെ ‘ഷേത്കാരി സംഘടന‘യില്‍ നിന്നുമുള്ള ശ്രീ. വിജയ്‌ സാവന്തിയ, കേരളത്തിലെ ‘തണലി’ല്‍ നിന്നുള്ള ശ്രീമതി. എസ്‌. ഉഷ, കര്‍ണ്ണാടകത്തിലെ ‘എന്‍.എസ്‌.ടി’യില്‍ നിന്നുള്ള ശ്രീ. രജ്ഞന്‍ റാവു യെരഡൂര്‍ എന്നിവര്‍ ശില്പശാലയില്‍ പങ്കെടുത്തു. ‘ഫെഡ്‌കോട്ട്‌‘ ജനറല്‍ സെക്രട്ടറി ശ്രീമതി. ഭാഗ്യ ലക്ഷ്മി, ‘ഫെഡ്‌കോട്ട്‌‘ ചെയര്‍മാന്‍ ശ്രീ. പീര്‍ മുഹമ്മദ്‌, ‘സേവ ട്രസ്റ്റ്‌‘ എക്സിക്യൂട്ടീവ്‌ ഡയറക്ടര്‍ ശ്രീ. സൂസൈ മൈക്കള്‍, ‘ക്രീയേറ്റി’ന്റെ ട്രെയിനിംഗ്‌ ഡയറക്ടര്‍ ശ്രെ. ആര്‍. ജയരാമന്‍, തമിഴ്‌നാട്‌ അഗ്രിക്കള്‍ച്ചറിസ്റ്റ്‌ മൂവ്‌മെന്റിന്റെ വൈസ്‌ പ്രസിഡന്റ്‌ ശ്രീ. തിരുനാവക്കരശ്‌ എന്നിവരും പങ്കെടുത്തു. തമിഴക ഉഴൈവര്‍ ഉഴൈപ്പാളര്‍ സംഘത്തിലെ ശ്രീ. കെ. ചെല്ലമുത്തു തമിഴ്‌നാട്ടില്‍ എന്തിനാണ് ബി.ടി.നെല്ലിന്റെ പരീക്ഷണ പാടങ്ങള്‍ കര്‍ഷകര്‍ക്ക്‌ നശിപ്പിക്കേണ്ടിവന്നത് എന്നതിനെക്കുറിച്ച്‌ സംസാരിച്ചു.

ജനിതക മാറ്റം വരുത്തിയ വിളകളുടെ പരീക്ഷണം നിരോധിക്കാനുള്ള തമിഴ്‌നാട്‌ സര്‍ക്കാരിന്റെ തീരുമാനം സെമിനാര്‍ സ്വാഗതം ചെയ്തു. സംസ്ഥാന സര്‍ക്കാരിന്റെ ഈ സന്തോഷാവഹമായ തീരുമാനം മറ്റു സംസ്ഥാനങ്ങളും മാതൃകയാക്കേണ്ടതാണ്.  വൈകുന്നേരത്തെ പൊതുയോഗത്തില്‍ കര്‍ഷക മുന്നേറ്റങ്ങളുടെയും, വ്യാപാരി സംഘടനകളുടെയും, ഉപഭോക്തൃ സംഘടനകളുടെയും രാഷ്ട്രീയ സംഘടനകളുടെയും നേതാക്കള്‍ പങ്കെടുത്തു.

സെമിനാര്‍ താഴെ പറയുന്ന പ്രമേയങ്ങള്‍ പാസാക്കി.

ജനിതകമാറ്റത്തില്‍ നിന്ന്‌ വിമുക്തമായ ഇന്ത്യയ്ക്കായുള്ള ആവശ്യം  ഫോറം ശക്തമായി  ആവശ്യപ്പെട്ടു.

1. സര്‍ക്കാര്‍ ഇന്ത്യയെ ജി.എം. വിമുക്ത രാജ്യമായി പ്രഖ്യാപിക്കണം.

2. ഭക്ഷ്യപരമാധികാരം, വ്യാപാര സുരക്ഷിതത്വം എന്നിവ അടങ്ങുന്ന വിവിധ പ്രശ്നങ്ങള്‍ കണക്കിലെടുത്തുകൊണ്ട്‌, ഇന്ത്യയില്‍ ജനിതകമാറ്റം വരുത്തിയ വിളകളിന്മേലുള്ള എല്ലാതരത്തിലുമുള്ള ഗ്വേഷണങ്ങളും പരീക്ഷണങ്ങളും നിറുത്തലാക്കണം.

3. ജനിതകമാറ്റം വരുത്തിയ വിത്തുകളോ ഭക്ഷണമോ ഒന്നും തന്നെ ഇന്ത്യയിലേക്ക്‌ ഇറക്കുമതി ചെയ്യാന്‍ അനുവദിക്കരുത്‌.

4. ഭാരതത്തിലെ കൃഷിയോടുള്ള ഭാവി സമീപനം പ്രകൃതിപരവും സ്ഥായിയായി നില്‍ക്കുന്നതുമായ കൃഷിയെ അടിസ്ഥാനപ്പെടുത്തിയുള്ളതായിരിക്കണം.

കര്‍ഷകരെ രക്ഷിക്കൂ – ഇന്ത്യയെ രക്ഷിക്കൂ

1. ആറാം ശമ്പളക്കമീഷനില്‍ ഉള്‍പ്പെടുത്തുന്നതിലൂടെ കര്‍ഷകനുള്ള വരുമാനം നിജപ്പെടുത്തുകയും ഉറപ്പുവരുത്തുകയും വേണം.

2. രാജ്യത്തുള്ള മുഴുവന്‍ കര്‍ഷകരുടെയും കടം സംസ്ഥാന, കേന്ദ്ര സര്‍ക്കാരുകള്‍ എഴുതിത്തള്ളണം.

3. ഉദാരവല്‍ക്കരണത്തിന്റെയും ആഗോളവല്‍ക്കരണത്തിന്റെയും നേര്‍ട്ടുള്ള ഫലമാണ് ദാരിദ്ര്യമെന്ന്‌ ഫോറം തിരിച്ചറിയുന്നു. ഇവ മൂന്നു തലങ്ങളില്‍ ഭക്ഷ്യാവകാശങ്ങള്‍ നഷ്ടപ്പെടുത്തുന്നു.

(i) ഭക്ഷ്യ സുരക്ഷ സംവിധാനങ്ങള്‍ (കുറഞ്ഞ താങ്ങുവിലയും പൊതുവിതരണ സംവിധാനങ്ങളും) തകര്‍ക്കപ്പെടുന്നു.

(ii) ഗ്രാമീണ വരുനാനത്തിലുള്ള തകര്‍ച്ച മൂലം വാങ്ങാനുള്ള കഴിവ്‌ നഷ്ടപ്പെടുന്നത്‌ ഭക്ഷ്യാവകാശത്തെ കൂടുതല്‍ ദുര്‍ബലമാക്കുന്നു. (വ്യാപാരത്തിലെ നിയന്ത്രണങ്ങള്‍ നീക്കിയതുമൂലം കാര്‍ഷികോല്പന്നങ്ങള്‍ക്കുണ്ടായ വിലയിടിവാണ് ഇതിനു കാരണം).

(iii) ഭക്ഷണം ആദ്യം എന്നതില്‍ നിന്ന്‌ കയറ്റുമതി ആദ്യം എന്നതിലേക്ക്‌ ഇന്ത്യയുടെ കാര്‍ഷിക നയങ്ങളെ മാറ്റിയ വ്യാപാര ഉദാരവല്‍ക്കരണത്തെ തുടര്‍ന്ന്‌ ഭക്ഷ്യോല്‍പാദനം കുറഞ്ഞു വരികയാണ്. ഈ പരിതസ്ഥിതിയില്‍ കൃഷിയെ ലോക വ്യാപാര സംഘടനയില്‍ നിന്നും സ്വതന്ത്ര വ്യാപാര കരാറുകളില്‍നിന്നും ഒഴിവാക്കണമെന്ന്‌ ഫോറം ആവശ്യപ്പെടുന്നു.

4. വ്യവസായത്തിനും, പ്രത്യേക സാമ്പത്തിക മേഖലകള്‍ക്കും മറ്റു വാണിജ്യാ‍വശ്യങ്ങള്‍ക്കുമായി കൃഷി ഭൂമി അനുവദിച്ച്‌ നല്‍കരുത്‌.

5. കാര്‍ഷികോല്‍പ്പന്നങ്ങളുടെ തറവില ജീവിത നിലവാര സൂചികയ്ക്കനുസരിച്ച്‌ പുതുക്കി നിശ്ചയിക്കേണ്ടതുണ്ട്‌.

6. മണ്ണിനേയും ജലസ്രോതസ്സുകളെയും മലിനീകരിക്കുന്ന എല്ലാ ഫാക്ടറികളും അടച്ചു പൂട്ടണം.

7. ജലാശയങ്ങളിലും, പൊതുസ്ഥലങ്ങളിലും, വനഭൂമിയിലും ഉള്ള കടന്നുകയറ്റം കണ്ടുപിടിക്കുകയും നീകം ചെയ്യുകയും വേണം.

8. വിള സംരക്ഷണത്തിനും കാര്‍ഷികോല്പാദനം വര്‍ദ്ധിപ്പിക്കുന്നതിനും രാസ കീടനാശിനികള്‍ ആവശ്യമില്ലെന്ന്‌ സംശയാതീതമായി വ്യക്തമാണ്. അതുകൊണ്ട്‌ സംസ്ഥാന, കേന്ദ്ര സര്‍ക്കാരുകള്‍ രാസകീടനാശിനികള്‍ പ്രോത്‌സാഹിപ്പിക്കുന്നതും അത്‌ കര്‍ഷകര്‍ക്ക്‌ നിര്‍ദ്ദേശിക്കുന്നതും നിര്‍ത്തുകയും ഇങ്ങിനെ നിര്‍ദ്ദേശിക്കുന്ന ഉദ്യോഗസ്ഥരെ കര്‍ഷകരുടെ ജീവന്‍ അപകടത്തിലാക്കുന്നതിന്റെയും പ്രകൃതിയെ വിഷമയമാക്കുന്നതിന്റെയും പേരില്‍ പൊതു വിചാരണയ്ക്ക്‌ വിധേയരാക്കുകയും വേണം.

തമിഴ്‌നാട്‌ സംസ്ഥാന സര്‍ക്കാരിനോടുള്ള പ്രത്യേക ആവശ്യങ്ങള്‍

9. കര്‍ഷകര്‍ക്കായുള്ള ദേശീയ കമ്മീഷനില്‍ ശുപാര്‍ശ ചെയ്തിരിക്കുന്നതുപോലെ തമിഴ്‌നാട്‌ സര്‍ക്കാര്‍ എല്ലാ കര്‍ഷക കുടുംബങ്ങള്‍ക്കും 4% പലിശ നിരക്കില്‍ ബാങ്ക്‌ വായ്പ നല്‍കണം (ഇതില്‍ സ്വയം സഹായ സംഘങ്ങളെയും ഉള്‍പ്പെടുത്തണമെന്ന്‌ ഫോറം ആവശ്യപ്പെടുന്നു).

10. കുളങ്ങള്‍ നവീകരിക്കുന്നതിനുള്ള പരിപാടികള്‍ വലിയ തോതില്‍ തന്നെ തുടങ്ങുകയും ഇതിന്റെ നിരീക്ഷണത്തിനായി എല്ലാ കര്‍ഷക സംഘടനകളും അടങ്ങുന്ന ഒരു നിരീക്ഷണ കമ്മറ്റിക്ക്‌ തമിഴ്‌നാട്‌ സര്‍ക്കാര്‍ രൂപം കൊടുക്കുകയും വേണം.

11. തെങ്ങ്‌ കര്‍ഷകരേയും ഇതുമായി ബന്ധപ്പെട്ട്‌ ജോലിചെയ്യുന്നവരെയും സംരക്ഷിക്കുവാന്‍ തെങ്ങില്‍നിന്നും പനയില്‍നിന്നും കള്ള്‌ ചെത്താന്‍ അനുവദിക്കണമെന്ന്‌ തമിഴ്‌നാട്‌ സര്‍ക്കാരിനോട്‌ ആവശ്യപ്പെടുന്നു.

12. കൃഷിയില്‍ കീടനാശിനികളുടെ ഉപയോഗം നിരോധിച്ചുകൊണ്ട്‌ തമിഴ്‌നാട്‌ സംസ്ഥാന സര്‍ക്കാര്‍ ബാക്കി രാജ്യത്തിനു മുഴുവനും വഴികാട്ടിയാവണം.

കഴിഞ്ഞ കുറച്ചു കാലങ്ങളായി പരിസ്ഥിതി ബോധവൽക്കരണം, പരിസ്ഥിതി വിദ്യാഭ്യാസം, പരിസ്ഥിതി സംരക്ഷണം എന്നീ മേഖലകളിൽ പ്രവർത്തിക്കുന്ന പൊതു താത്‌പര്യ ഗവേഷണ സംഘടനയായ തണൽ എന്ന സന്നദ്ധ സംഘടനയിലെ ഒരംഗമാണ്‌ ഞാൻ.
പരിസ്ഥിതി സംരക്ഷണത്തിനും പൊതുജനാരോഗ്യ സംരക്ഷണത്തിനുമായി കേന്ദ്ര സംസ്ഥാന സർക്കാരുകൾ രൂപം നൽകിയിട്ടുള്ള പഠന-ഗവേഷണ സ്ഥാപനങ്ങളും മറ്റ്‌ ഏജൻസികളും പലപ്പോഴും പൊതുജന താത്‌പര്യങ്ങളേക്കാൾ സ്ഥാപിത താത്‌പര്യങ്ങൾക്കാണ്‌ മുൻതൂക്കം നൽകുന്നത്‌. അറിവില്ലായ്മ നടിക്കുന്നതിലൂടെയും വസ്തുതകളെ മറച്ചു പിടിക്കുന്നതിലൂടെയും സർക്കാരിനെയും പൊതുജനങ്ങളെയും തെറ്റിദ്ധരിപ്പിച്ച്‌ വഞ്ചിച്ച്‌` ഇതിലെ ഒരുകൂട്ടം ഉദ്യോഗസ്ഥരും ശാസ്ത്രജ്ഞരും സ്വകാര്യ നേട്ടങ്ങളുണ്ടാക്കുന്നുവെന്നത്‌ ഒരു സത്യമാണ്‌.

ഗവൺമെന്റ്‌ സെക്രട്ടറിയേറ്റ്‌ സ്റ്റാഫ്‌ സഹകരണ സംഘം നം.2620 ഈ വർഷം വിൽപ്പനയ്ക്ക്‌ എത്തിച്ചിട്ടുള്ള സ്കൂൾ നോട്ടുബുക്കിന്റെ പുറം ചട്ടയിൽ കേരള സംസ്ഥാന മലിനീകരണ നിയന്തണ ബോർഡിന്റേതായി (KSPCB) വന്ന പരസ്യമാണ്‌ ഈ ലേഖനത്തിനാധാരം.
പ്ലാസ്റ്റിക്‌ സഞ്ചികളും കുപ്പികളും കത്തിക്കുന്നത്‌ ആപത്‌ക്കരമല്ല, ആവശ്യമാണ്‌ എന്ന തലക്കെട്ടിലുള്ള ഫുൾ പേജ്‌ പരസ്യത്തിൽ പ്ലാസ്റ്റിക്‌ സഞ്ചികളും പ്ലാസ്റ്റിക്‌ കുപ്പികളും കത്തിച്ചാൽ കർബൺ ഡൈ ഓക്‌സൈഡും വെള്ളവും മാത്രമേ ഉണ്ടാകുകയുള്ളു എന്നു പ്രസ്താവിച്ചിരിക്കുന്നു. പുനരുപയോഗം ചെയ്യാൻ കഴിയാത്ത പ്ലാസ്റ്റിക്കുകളെ കത്തിക്കുക എന്നും പരസ്യത്തിൽ പറയുന്നു. (അടിസ്ഥാന രസതന്ത്രം നമ്മെ പഠിപ്പിച്ചിട്ടുള്ളത്‌ നിറമില്ലാത്ത, മണമില്ലാത്ത ഒരു വാതകമാണ്‌ കാർബൺ ഡൈ ഓക്‌സൈഡ്‌ എന്നാണ്‌. ജലത്തിന്‌ മണമോ നിറമോ ഇല്ല. അപ്പോൾ പ്ലാസ്റ്റിക്‌ പെറ്റ്‌ ബോട്ടിലുകളോ, ക്യാരി ബാഗുകളോ കത്തിക്കുമ്പോഴുണ്ടാകുന്ന പുകയ്ക്ക്‌ നിറവും മണവും കൊടുക്കുന്നതാരാണെന്ന അടിസ്ഥാന ചോദ്യം ബാക്കി)

ക്ലോറിൻ കലർന്ന പ്ലാസ്റ്റിക്കുകൾ അശാസ്ത്രീയമായി കത്തിക്കുമ്പോഴാണ്‌ ഡയോക്‌സിനുകൾ ഉണ്ടാകുന്നതെന്ന പ്രസ്താവം ക്ലോറിനേറ്റഡ്‌ പ്ലാസ്റ്റിക്കുകളെ ശാസ്ത്രീയമായി കത്തിക്കാമെന്ന്‌ ധ്വനിപ്പിക്കുന്നു. ഏതൊരു പ്ലാസ്റ്റിക്‌ ഉത്‌പന്നത്തിലും താലേറ്റുകൾ, പ്ലാസ്റ്റിസൈസറുകൾ, ഘനലോഹങ്ങൾ, ഫില്ലറുകൾ, ആന്റി ഓക്‌സിഡന്റുകൾ, ആന്റി സ്റ്റാറ്റിക്‌ ഏജന്റുകൾ തുടങ്ങി നിരവധി രാസ വസ്തുക്കൾ അടങ്ങിയിട്ടുണ്ടെന്നും പ്ലാസ്റ്റിക്‌ ഉത്‌പന്നങ്ങളെ ചൂടാക്കുകയോ കത്തിക്കുകയോ ചെയ്യുമ്പോൾ അവ അന്തരീക്ഷത്തിലേക്ക്‌ മാരക വിഷ വാതകങ്ങൾ പുറം തള്ളുകയും ചെയ്യുമെന്ന്‌ ശാസ്ത്രലോകം നേരത്തെ അംഗീകരിച്ചിട്ടുള്ളതാണ്‌. പ്ലാസ്റ്റിക്‌ കത്തുമ്പോഴുണ്ടാകുന്ന ഗന്ധവും പുകയും അനുഭവിച്ചിട്ടുള്ള സാമാന്യ ബുദ്ധിയുള്ളവരാരും തന്നെ അത്‌ അപകടമല്ലെന്ന്‌ പറയുകയില്ല.

പ്ലാസ്റ്റിക്‌ വരുത്തിവെക്കുന്ന വിപത്തുകളെക്കുറിച്ചും പ്ലാസ്റ്റിക്‌ കത്തിക്കുന്നതുമൂലമുണ്ടാകുന്ന പരിസ്ഥിതി-ആരോഗ്യ പ്രശ്നങ്ങളെക്കുറിച്ചും നിരവധി പഠനങ്ങളും ഇന്ന്‌ ലോകത്ത്‌ ലഭ്യമാണ്‌. ഭൂമിയിലെ ജീവനുതന്നെ ഭീഷണി ഉയർത്തുന്ന രാസമാലിന്യങ്ങളിൽ ഏറ്റവും മാരകങ്ങളായ 12 സ്ഥാവര കാർബണിക രാസമാലിന്യങ്ങളെ [POP (Persistent Organic Pollutants)] ഭൂമുഖത്തുനിന്നും ഉന്മൂലനം ചെയ്യാനുള്ള അന്താരാഷ്ട്ര ഉടമ്പടിയായ സ്റ്റോക്ക്‌ഹോം ട്രീറ്റി (മേയ്‌ 2001) യിൽ മറ്റുരാജ്യങ്ങൾക്കൊപ്പം ഇന്ത്യയും ഒപ്പുവെച്ചിട്ടുണ്ട്‌. ഈ കരാർ പ്രകാരം ഈ വക രാസ മാലിന്യങ്ങളുടെ ഉന്മൂലനത്തിനുവേണ്ട നടപടികളും പരിപാടികളും സമയബന്ധിതമായി ആസൂത്രണം ചെയ്ത്‌ നടപ്പിലാക്കാൻ ഭാരത സർക്കാർ പ്രതിജ്ഞാബദ്ധമാണ്‌. ഈ 12 രാസ മാലിന്യങ്ങളിലെ ഏറ്റവും മാരകമായ ഡയോക്‌സിനുകളുടെ ഏറ്റവും വലിയ ഉറവിടം ഖരമാലിന്യങ്ങളുടെ ജ്വലനമാണ്‌. അത്‌ ഇൻസിനറേറ്റർ ഉപയോഗിച്ചാലും അല്ലാതെ തുറസായ സ്ഥലങ്ങളിൽ ചവർ കത്തിച്ചാലും അന്തരീക്ഷത്തിലേക്കെത്തുന്നു. മാലിന്യക്കൂമ്പാരങ്ങളിലെ പ്ലാസ്റ്റിക്കുകളുടെ പ്രത്യേകിച്ച്‌ പി.വി.സി പോലുള്ള ക്ലോറിനേറ്റഡ്‌ പ്ലാസ്റ്റിക്കുകളുടെ ജ്വലനം വൻതോതിൽ ഡയോക്സിനുകൾ ഉണ്ടാക്കുന്നതിന്‌ കാരണമാകുന്നു. (നമ്മുടെ പ്ലാസ്റ്റിക്‌ ഉത്‌പന്നങ്ങളിൽ എന്തുതരം പ്ലാസ്റ്റിക്കുകൾ കൊണ്ടാണ്‌ അവ നിർമിച്ചിരിക്കുന്നതെന്ന്‌ തിരിച്ചറിയാനോ ഏതൊക്കെയാണ്‌ പി.വി.സി അഥവാ ക്ലോറിനേറ്റഡ്‌ പ്ലാസ്റ്റിക്കുകളെന്ന്‌ തിരിച്ചറിയുവാനോ ഉള്ള യാതൊരുവിധ അടയാളങ്ങളോ സംവിധാനങ്ങളോ ഇല്ലെന്നു മാത്രമല്ല പി.വി.സി പ്ലാസ്റ്റിക്‌ മാലിന്യങ്ങളെ സുരക്ഷിതമായി നിർമാർജനം ചെയ്യുവഅനുള്ള സാങ്കേതിക വിദ്യയും നിലവിലില്ല. ഇന്ത്യയിൽ മറ്റു രാജ്യങ്ങളിലുള്ളതുപോലെ പ്ലാസ്റ്റിക്‌ ലേബലിംഗ്‌ നിർബന്ധമാക്കാനുമുള്ള നിയമങ്ങളുമില്ല.) ലോകത്ത്‌ പുറന്തള്ളപ്പെടുന്ന ഡയോക്സിനുകളുടെ 60 ശതമാനവും നഗരമാലിന്യ ഇൻസുലേറ്ററുകളിൽ നിന്നാണെന്ന്‌ പഠനങ്ങൾ സൂചിപ്പിക്കുന്നു. പ്ലാസ്റ്റിക്കുകൾ കത്തിക്കുമ്പോഴോ ചൂടാക്കുമ്പോഴോ ഡയോക്സിനുകൾക്കു പുറമേ നിരവധി മാരക വിഷവാതകങ്ങളും പദാർഥങ്ങളും ചാരവും ഉണ്ടാകുന്നു. ഇക്കാരണങ്ങൾ കൊണ്ടുതന്നെ നഗരമാലിന്യങ്ങളുടെ ഇൻസിനറേഷനെതിരെ ലോകവ്യാപകമായി വമ്പിച്ച പ്രതിഷേധ സമരങ്ങൾ നടക്കുന്നുണ്ട്‌. ലോകമെങ്ങും ഗവണ്മെന്റുകൾ മാലിന്യങ്ങളെ കത്തിക്കുന്നത്‌ നിരുത്‌സാഹപ്പെടുത്താനുള്ള നയങ്ങളും നിയന്ത്രണങ്ങളും കൊണ്ടുവരികയും ചെയ്യുന്ന ഈയൊരവസരത്തിൽ 2000-ത്തിൽ ഭാരത സർക്കാർ രൂപം കൊടുത്ത ഖരമാലിന്യ നിർമാർജനത്തിനുള്ള നിയമവും മലിന്യങ്ങളുടെ പ്രത്യേകിച്ച്‌ പ്ലാസ്റ്റിക്കുകളുടെ ജ്വലനത്തെ നിരുത്സാഹപ്പെടുത്തുന്നുണ്ട്‌. ഈ നിയമത്തെ പിന്തുടർന്ന്‌ കേരള സ്‌അർക്കാർ രൂപം കൊടുത്ത ക്ലീൻ കേരള മിഷൻ കേരളത്തിന്റെ പ്രത്യേക സാഹചര്യം കണക്കിലെടുത്ത്‌ മാലിന്യങ്ങളുടെ ഇൻസിനറേഷൻ നിരുത്സാഹപ്പെടുത്തുകയും പ്ലാസ്റ്റിക്‌ മാലിന്യങ്ങൾ ഒഴിവാക്കുന്നതിനായി പകരം വെക്കാവുന്ന ഉത്‌പന്നങ്ങളെ പ്രോത്സാഹിപ്പിക്കുകയും ചെയ്യുന്നു. ഇത്‌ സംസ്ഥാനത്ത്‌ നിരവധി തൊഴിലവസരങ്ങൾക്കും സംരംഭങ്ങൾക്കും വഴിയൊരുക്കുകയും ചെയ്തിട്ടുണ്ട്‌.

പെട്രോളിയം വ്യവസായത്തിന്റെ പിൻബലവും ഗവണ്മെന്റിന്റെ ഭീമമായ സാമ്പത്തികാനുകൂല്യങ്ങളും പറ്റുന്ന പ്ലാസ്റ്റിക്‌ വ്യവസായങ്ങളൊക്കെ നേരിടുന്ന പ്രധാന പ്രശ്നം പ്ലാസ്റ്റിക്‌ മാലിന്യങ്ങളുടെ സുരക്ഷിതമായ നിർമാർജനമാണ്‌. ലോകത്തെങ്ങും ഇതുവരെയും പ്ലാസ്റ്റിക്‌ മാലിന്യങ്ങളുടെ സുരക്ഷിതമായ നിർമാർജന രീതി നിലവിലില്ലെന്നത്‌ ഒരു യാഥാർത്ഥ്യമാണ്‌. ലോകമെമ്പാടും മാലിന്യ നിർമാർജനപ്രവർത്തനങ്ങളെ മുഴുവൻ തടസ്സപ്പെടുത്തുകയും അസാധ്യമാക്കുകയും ചെയ്യുന്ന ഒരു സുപ്രധാന ഘടകം പ്ലാസ്റ്റിക്കുകളാണെന്നത്‌ ഒരു വാസ്തവമാണ്‌. അതിനെ മറികടക്കാനുള്ള ഒരു മാർഗമാണ്‌ ഇക്കൂട്ടർ ഇൻസിനറേഷൻ ഒരു പോംവഴിയാണെന്ന്‌ പ്രചരിപ്പിക്കുന്നതും പ്ലാസ്റ്റിക്‌ ഉപഭോഗത്തെ പ്രോത്‌സാഹിപ്പിക്കുന്നതും.
ഒരു വശത്ത്‌ ദുർലഭമായ പെട്രോളിയത്തിന്റെ ദൂർത്തിനും മറുവശത്ത്‌ സാമ്പത്തിക-ആരോഗ്യ-പാരിസ്ഥിതിക നാശത്തിനും പ്ലാസ്റ്റിക്‌ ഇടയാക്കുന്നു. ഈയൊരു പശ്ചാത്തലത്തിലാണ്‌ ലോകമെങ്ങും പ്ലാസ്റ്റിക്‌ ഉത്‌പന്നങ്ങൾക്കെതിരായ ചെറുത്തുനിൽപ്പുകളുണ്ടാകുന്നതും പലേ ഗവണ്മെന്റുകളും ശക്തമായ നയങ്ങളിലൂടെ പ്ലാസ്റ്റിക്‌ ഉപഭോഗം കുറക്കാനായി ശ്രമിക്കുന്നതും.
പ്ലാസ്റ്റിക്‌ വ്യവസായം ഉയർത്തുന്ന രാഷ്ട്രീയ-സാമൂഹിക-സാമ്പത്തിക-ആരോഗ്യ പ്രശ്നങ്ങളെക്കുറിച്ചുള്ള ലേഖനങ്ങളും ശാസ്ത്രീയ പഠനങ്ങളും ഇന്ന്‌ ലഭ്യമാണ്‌. കൂടാതെ പ്ലാസ്റ്റിക്കിനും ഇൻസിനറേഷനുമെതിരായി ലോകത്തു നടക്കുന്ന പരിശ്രമങ്ങളെക്കുറിച്ചുമുള്ള വിവരങ്ങളും ലഭ്യമാണ്‌. താര്യമുള്ളവർക്ക്‌ തണലിൽ നിന്നും പല പഠനങ്ങളുടെ റിപ്പോർട്ടുകളും ലഭ്യമാക്കാവുന്നതാണ്‌.
പരിസ്ഥിതി സംരക്ഷണത്തിലൂടെ പൊതുജനാരോഗ്യവും പൊതുജന താത്‌പര്യങ്ങളും സംരക്ഷിക്കുവാൻ നിയുക്തമായ, ശാസ്ത്രജ്ഞർ ഉദ്യോഗസ്ഥരുമായിട്ടുള്ള ഒരു സർക്കാർ സ്ഥാപനം ശാസ്ത്രസത്യങ്ങളെ വളച്ചൊടിച്ച്‌ പൊതുജനങ്ങളെ, പ്രത്യേകിച്ച്‌ വിദ്യാർത്ഥികളെ തെറ്റിദ്ധരിപ്പിക്കുന്ന വിധത്തിൽ ഇത്തരമൊരു പരസ്യം നൽകിയത്‌ ആരുടെ താത്‌പര്യം സംരക്ഷിക്കാനാണ്‌? ആർക്കുവേണ്ടിയാണ്‌ ജനങ്ങളുടെ നികുതിപണം കൊണ്ട്‌ ഈ ശാത്രജ്ഞരേയും ഉദ്യോഗസ്ഥരേയും നാം തീറ്റിപോറ്റുന്നത്‌?
ഇക്കഴിഞ്ഞ കുറേവർഷങ്ങളായി സംസ്ഥാനത്തെ വളരെ ഗൌരവമുള്ള എല്ലാ പരിസ്ഥിതി പ്രശ്നങ്ങളിലും കേരള സംസ്ഥാന മലിനീകരണ നിയന്ത്രണ ബോർഡ്‌ ഇത്തരത്തിലുള്ള അലക്ഷ്യമായ സമീപനങ്ങളാണ്‌ കൈക്കൊണ്ടിട്ടുള്ളത്‌. കുറ്റകരമായ അനാസ്ഥയും അലംഭാവവും പുലർത്തുന്ന കാലഹരണപ്പെട്ട ഈ സംവിധാനത്തെ പിരിച്ചുവിടുന്നതാണ്‌ ഉത്തമം.
ഇത്തരം പ്രവണതകൾക്കു പിന്നിൽ പ്രവർത്തിക്കുന്നവ്‌അരെ ശിക്ഷിക്കുന്നതിനും നിലയ്ക്ക്‌ നിറുത്തുന്നതിനും അതുവഴി ഞങ്ങൾ ജനപ്രതിനിധികളിലും സഹപ്രവർത്തകരിലും അർപ്പിച്ച വിസാസം സംരക്ഷിക്കുന്നതിനും വേണ്ട നടപടികളെടുക്കണമെന്നും ഉള്ള വിനീതമായ ഒരു അഭ്യർത്ഥനകൂടിയാണിത്‌.
 

ജനിതകമാറ്റം മാറ്റം വരുത്തിയ പരുത്തി (Bt Cotton) വ്യാപകമായതിനുശേഷം ഉണ്ടായ പ്രശ്നങ്ങളെക്കുറിച്ചുള്ള ചർച്ചകൾ രാജ്യത്ത്‌ നിലനിക്കേ തന്നെ ഇപ്പോൾ കേന്ദ്രവന – പരിസ്ഥിതി മന്ത്രാലയത്തിൻ കീഴിലുള്ള ജനറ്റിക്‌ എഞ്ചിനീയറിംഗ്‌ അപ്രൂവൽ കമ്മറ്റി (GEAC) ജനിതകമാറ്റം വരുത്തിയ വഴുതനങ്ങ കൃഷി വ്യാപകമാക്കാൻ അനുമതി നൽകാൻ പോവുകയാണ്‌. ഇതൊക്കെ തുടക്കം മാത്രമാണ്‌. ഇരുപതോളം ഭക്ഷ്യ വിളകളാൽ (അരി, തക്കാളി, കടുക്‌, വെണ്ടയ്ക്ക, ഉരുളക്കിഴങ്ങ്‌ തുടങ്ങിയവ) ജനിതക പരീക്ഷണങ്ങൾ നടന്നുകൊണ്ടിരിക്കുന്നുണ്ട്‌. അത്തരം വിത്തുകൾ രാജ്യത്ത്‌ പലയിടത്തായി പരിശോധിച്ചു നോക്കുന്നുമുണ്ട്‌, പലപ്പോഴും സംസ്ഥാന സർക്കാരും കൃഷിക്കാരും അറിയാതെ തന്നെ. ഈ വർഷം കഴിയുമ്പോഴേക്കും വിത്തു കമ്പനികൾ തങ്ങളുടെ പഠന ഫലങ്ങളുമായി തങ്ങളുടെ വിത്തുകൾക്കു വേണ്ട അംഗീകാരത്തിനായി കേന്ദ്ര സർക്കാരിനെ സമീപിക്കും.

ജനിതകമാറ്റം വരുത്തിയ വിളകളുണ്ടാക്കുന്ന പാരിസ്ഥിതികവും പൊതുജനാരോഗ്യപരവുമായ പ്രത്യാഘാതങ്ങളെക്കുറിച്ച്‌ ശാസ്ത്രജ്ഞരുടെ ഇടയിൽ പോലും സംശയങ്ങൾ ബാക്കി നിൽക്കുകയാണ്‌. പല പഠനങ്ങളും വിവിധ ആരോഗ്യപ്രശ്നങ്ങൾ പുറത്തു കൊണ്ടുവന്നിട്ടുണ്ട്‌. അലർജി, ക്യാൻസർ, ട്യൂമർ, ഉദരവൃണങ്ങൾ തുടങ്ങിയവ ലോകത്തിന്റെ പലഭാഗത്തും ഉണ്ടാകുന്നതായി റിപ്പോർട്ടുകൾ പറയുന്നു. ആരോഗ്യ പരിരക്ഷണ സംവിധാനങ്ങൾ നന്നായി വികസിപ്പിച്ചിട്ടുള്ള കേരളത്തിൽ പോലും ഇന്ന്‌ ആരോഗ്യ തകരാറുകൾ കൂടിക്കൊണ്ടിരിക്കുന്ന സാഹചര്യത്തിൽ പ്രത്യേകിച്ചും ഇന്ത്യയിൽ നിലനിൽക്കുന്ന ജൈവ സുരക്ഷാ സംവിധാനങ്ങളുടെ (biosafety measures) അപര്യാപ്തതയെ കുറിച്ച്‌ പഠനങ്ങൾ വന്നു കഴിഞ്ഞു. നിയന്ത്രണ സംവിധാനങ്ങൾ നിലവിലുള്ള വികസിത രാജ്യങ്ങളിൽ പോലും ജനിതക സാങ്കേതിക വിദ്യ സാമൂഹ്യമായും ധാർമ്മികമായും ശരിയാണോ എന്ന ചോദ്യം ഉയരുന്നുണ്ട്‌. ഭൂരിപക്ഷം ആളുകളും കൃഷിയെ ആശ്രയിച്ചു കഴിയുന്ന ഇന്ത്യയിൽ ജനിതക സാങ്കേതിക വിദ്യക്കുറിച്ചുള്ള അടിസ്ഥാന ശാസ്ത്രീയ ചോദ്യങ്ങൾതന്നെ ഇതുവരെ ഉയർന്നിട്ടില്ല. ഇതിനു പുറമെയാണ്‌ അപകട സാധ്യതാ പഠനങ്ങളും അതുമയി ബന്ധപ്പെട്ട സാമൂഹ്യ ബാധ്യതകളും പഠിക്കുന്ന കാര്യത്തിലുള്ള കാലതാമസം. 

കടൽത്തീരം മുതൽ  മലത്തലപ്പ്‌ വരെ ജൈവ വൈവിധ്യത്താൽ സമ്പന്നമാണ്‌ കേരളം. സംസ്ഥാനത്തിന്റെ പകുതിയും പശ്ചിമഘട്ടപ്രദേശമാണ്‌. ഇത്‌ അറിയപ്പെടുന്ന ഒരു ജൈവ വൈവിധ്യമേഖലയുമാണ്‌. നേരത്തെ തന്നെ പല ശാസ്ത്രജ്ഞരും മുന്നറിയിപ്പ്‌ നൽകുകയും ഇന്ന്‌ ശാസ്ത്രലോകം തിരിച്ചറിയുകയും ചെയ്യുന്ന ഒരു കാര്യമുണ്ട്‌. ജനിതകമാറ്റം വരുത്തിയ വിളകൾക്ക്‌ സ്വാഭാവിക പരിസ്ഥിതിയെ മലിനീകരിക്കാൻ കഴിയുമെന്നതാണിത്‌. ജനിതകമാറ്റം വരുത്തിയ ജീവജാലങ്ങൾ കൃത്രിമമാണ്‌ കാരണം ഇവയെ ലബോറട്ടറികളിൽ മാത്രമേ ഉണ്ടാക്കാൻ കഴിയൂ. മാത്രവുമല്ല ഈ സാങ്കേതികവിദ്യയുടെ രീതികളും അതിൽനിന്നുണ്ടാകുന്ന ഉൽപന്നങ്ങളും പരിണാമത്തിന്റെ കഴിഞ്ഞ 3.8 ബില്ല്യൺ വർഷങ്ങളിൽ ഇല്ലാത്തതാണ്‌ ശാസ്ത്രജ്ഞന്മാർക്കു പോലും ഈ സാങ്കേതികവിദ്യ ഉണ്ടാക്കാനിടയുള്ള ജനിതകമാറ്റത്തെക്കുറിച്ച്‌ കൃത്യമായി പറയാൻ കഴിയുന്നില്ല. അതുകൊണ്ടാണ്‌ അന്താരാഷ്ട്ര തലത്തിൽ തന്നെ ഒരു ജൈവസംരക്ഷണ പ്രോട്ടോകോൾ (Biosafety Protocol) നിലനിൽക്കുന്നത്‌. ഡോ. എം.എസ്‌. സ്വാമിനാഥൻ ചെയർമാനായുള്ള ബയോടെക്‌നോളജി ടാസ്‌ക്‌ഫോഴ്‌സ്‌ റിപ്പോർട്ടും പറയുന്നത്‌ പശ്ചിമഘട്ടം പോലെ  പാരിസ്ഥിതികമായി ലോലമായ ഒരു പ്രദേശത്തെ ജനിതകമാറ്റം വരുത്തിയ വിളകളിൽനിന്ന്‌ സംരക്ഷിക്കണമെന്നാണ്‌.

ഇന്ത്യയിലെ ആദ്യത്തെ ജനിതകമാറ്റം വരുത്തിയ വിള ബി. റ്റി.പരുത്തിയാണ്‌. 2002 മുതൽക്കാണ്‌ ബി. റ്റി.പരുത്തി വ്യാപകമായി ഇന്ത്യയിൽ കൃഷിചെയ്യാനാരംഭിച്ചത്‌. ഇതിന്‌ അനുവാദം നൽകിയത്‌ GEAC യാണ്‌. തുടക്കത്തിൽ തന്നെ ഈ വിത്തുകളുടെ ഉയർന്നവിലയെ കുറിച്ചും, തുടർന്നും ഉപയോഗിക്കേണ്ടിവരുന്ന കീടനാശിനിയെക്കുറിച്ചും, മോശമായ ഉൽപദനത്തെ കുറിച്ചും, വിത്തുകൾ നിയമവിധേയമല്ലാതെ കൈമാറ്റം ചെയ്യപ്പെടുന്നതിനെ കുറിച്ചൊക്കെയുമുള്ള ആശങ്കകൾ ഉയർന്നിരുന്നു. ബി. റ്റി.പരുത്തിയുടേ പ്രതിരോധശേഷി കുറവിനെപറ്റിയും ഓർഗാനിക്‌ പരുത്തിയുടെ മേന്മയെക്കുറിച്ചും പല സംസ്ഥാന സർക്കാരുകൾ തന്നെ കേന്ദ്രത്തെ അറിയിച്ചിട്ടുണ്ട്‌. കർഷകർക്കുണ്ടായ നാശനഷ്ടത്തിന്‌ നഷ്ടപരിഹാരം നൽകാനായി സംസ്ഥാന സർക്കാരുകൾ (ആന്ധ്രപ്രദേശ്‌) ആവശ്യപ്പെട്ടിട്ടും അതിന്‌ വിത്തു കമ്പനികൾ (മൊൺസാന്റോ, മഹികോ) തയ്യാറായിട്ടില്ല. അവർ ആന്ധ്രസർക്കാരിന്റെ ഓർഡറിനെ കോടതിയിൽ ചോദ്യം ചെയ്യുകയാണ്‌ പകരം ഉണ്ടായത്‌.

ഇപ്പോൾ ബി. റ്റി.പരുത്തി കൃഷിചെയ്യുന്ന തോട്ടങ്ങളിൽ പണിയെടുക്കുന്ന കർഷകതൊഴിലാളികളുടെ ആരോഗ്യ പ്രശ്നങ്ങളെ കുറിച്ചും കന്നുകാലികൾക്കുണ്ടാകുന്ന പ്രശ്നങ്ങളെക്കുറിച്ചും ഉള്ള പഠനങ്ങൾ പുറത്തു വന്നിട്ടുണ്ട്‌. വിളവെടുപ്പിനു ശേഷം പരുത്തി കർഷകർ തങ്ങളുടെ വയലുകളിലെ മണ്ണിനുണ്ടാകുന്ന നാശത്തെക്കുറിച്ചും പറയാൻ തുടങ്ങിയിട്ടുണ്ട്‌. ഇതിനെക്കുറിച്ചൊന്നും പഠിക്കാൻ തയ്യാറാകാതെയാണ്‌ കേന്ദ്ര സർക്കാർ വീണ്ടും വീണ്ടും മറ്റു ജനിതക മാറ്റം വരുത്തിയ വിളകൾക്ക്‌ അനുമതിനൽകുന്നത്‌. അതും ഭക്ഷ്യ വിളകൾക്ക്‌.

ഇത്തരം സാഹചര്യങ്ങൾ രാജ്യത്ത്‌ നിലനിൽക്കുമ്പോൾ കൂടുതൽ അബദ്ധങ്ങൾ പറ്റാതിരിക്കാനായി കേന്ദ്ര സർക്കാർ ഒരു മുൻ കരുതൽ നയമാണ്‌ സ്വീകരിക്കേണ്ടിയിരുന്നത്‌. താൽക്കാലികമയിട്ടെങ്കിലും ജനിതകമാറ്റം വരുത്തിയ വിത്തുകളുടെ വ്യാപനം തടയേണ്ടിയിരിക്കുന്നു. എന്നാൽ കേന്ദ്രസർക്കാർ മറിച്ചാണ്‌ ചെയ്യുന്നത്‌. ഇത്‌ അപകടം പിടിച്ചതും അശാസ്ത്രീയവും ജനാധിപത്യ വിരുദ്ധവുമാണ്‌. കാരണം ഇതുമൂലം ഇന്ത്യയിലെ കാർഷിക മേഖലയ്ക്ക്‌ ഉണ്ടാകാൻ പോകുന്ന തകർച്ച ഒരിക്കലും തിരുത്താൻ പറ്റാത്തതായിരിക്കും. ജനിതകമാറ്റം വരുത്തിയ വിത്തുകൾക്കും നമ്മുടെ പരമ്പരാഗത വിത്തുകൾക്കും (അത്യുൽപ്പാദന ശേഷിയുള്ള വിത്തുകളുൾപ്പെടെ) ഒരുമിച്ച്‌ വാഴാൻ കഴിയുകയില്ല. കാരണം ജനിതകമാറ്റം വരുത്തിയ വിത്തുകളിൽ നിന്നുള്ള ജീനുകളുടെ മറ്റ്‌ സസ്യങ്ങളിലേക്കുള്ള കടന്നുകയറ്റം ഒഴിവാക്കാൻ കഴിയില്ല എന്നതുതന്നെ. പ്രത്യേകിച്ചും ഇന്ത്യയിലെ പ്രത്യേക കാർഷിക വ്യവസ്ഥ കണക്കിലെടുക്കുമ്പോൾ ഭൂരിപക്ഷവും ചെറുകിട കർഷകരുള്ള നമ്മുടെ നാട്ടിൽ വിത്തു കമ്പനികളോ ശാസ്ത്രജ്ഞരോ പറയുന്ന തരത്തിൽ buffer zone വയ്ക്കുക എന്നത്‌` കർഷകർക്ക്‌ അസാധ്യമായൊരു കാര്യമാണ്‌.

കേരളം ജൈവവൈവിധ്യത്താൽ സമ്പന്നമാണ്‌. നമ്മുടെ ഗ്രാമീണ സമ്പദ്‌വ്യവസ്ഥ ഇപ്പോഴും കാർഷികമേഖലയെ ആശ്രയിക്കുകയും ചെയ്യുന്നു. ഇതിനും പുറമേ നമ്മൾ ആഹാരം ഇറക്കുമതിചെയ്യുന്ന ഒരു സംസ്ഥാനവുമാണ്‌. ഈ സാഹചര്യത്തിൽ നമ്മുടെ നാട്ടിൽ ഇതുണ്ടാക്കാൻ പോകുന്ന പ്രത്യാഘാതം ഭീകരമായിരിക്കും. രാഷ്ട്രീയമായി നല്ല അവബോധമുള്ള കേരള സംസ്ഥാനം ഈ പ്രശ്നത്തിൽ കൃത്യമായൊരു നിലപാടെടുക്കുകയും അത്‌` കേന്ദ്രസർക്കാരിനെ അറിയിക്കുകയും ചെയ്യേണ്ടത്‌ അടിയന്തിര പ്രാധാന്യം അർഹിക്കുന്നു. ഇത്തരം അപകടം പിടിച്ച സാങ്കേതികവിദ്യയ്ക്ക്‌ നമ്മുടെ സംസ്ഥാനത്ത്‌ അനുമതി കൊടുക്കയുമരുത്‌.

നമ്മുടെ നിലനിൽപ്പിന്റെ അടിസ്ഥാനം ഭക്ഷണമാണ്‌. ഭക്ഷണം നമ്മുടെ അവകാശവുമാണ്‌. അതിനുമേൽ നമ്മുടെ കൃഷിക്കും കർഷകരുടെ ജീവിതത്തിനും മേൽ അധികാരം സ്ഥാപിക്കാൻ കുത്തക വിത്തു കമ്പനികളെ അനുവദിച്ചുകൂടാ. നല്ല ഭക്ഷണം ആവശ്യമായ അളവിൽ ഉണ്ടാക്കാനുള്ള ആയിരക്കണക്കിന്‌ വഴികൾ നമ്മുടെ നാട്ടിൽത്തന്നെ നിലവിലുണ്ട്‌. എന്നാൽ നിർഭാഗ്യവശാൽ ഇവയെല്ലാം അംഗീകരിക്കാനോ അതിനുവേണ്ട സഹായം നൽകാനോ കേന്ദ്ര സർക്കാർ തയ്യാറാകുന്നില്ല. കൃഷിക്കാരെ സഹായിക്കാൻ പറ്റുന്ന അത്തരം രീതികളെ പ്രോത്‌സാഹിപ്പിക്കുന്നതിനുപകരം കേന്ദ്ര സർക്കാർ കുത്തക കമ്പനികളെ മാത്രം സഹായിക്കാൻ കഴിയുന്ന ജനിതക സാങ്കേതിക വിദ്യയെ പ്രോത്‌സാഹിപ്പിക്കുകയാണ്‌ ചെയ്യുന്നത്‌.

കേരളത്തിൽ ഉണ്ടായിട്ടുള്ള കാർഷിക പ്രതിസന്ധി മറികടക്കാൻ കർഷകരും സ്വയം സഹായ സംഘങ്ങളും സംഘടനകളും കാർഷിക സർവകലാശാലയും എല്ലാം കഴിഞ്ഞ 10 – 15 വർഷങ്ങളായി പല പരീക്ഷണങ്ങളും തുടങ്ങിയിട്ടുണ്ട്‌. സംയോജിത കീട നിയന്ത്രണം(IPM), കീടനാശിനി രഹിത കീടനിയന്ത്രണം (NPM), ജൈവകൃഷി, ബയോഡൈനാമിക്‌ ഫാമിംഗ്‌ എന്നിവ അവയിൽ ചിലതുമാത്രം. ഇതിന്റെ ഫലം വളരെ നല്ലതും മറ്റു കൃഷിക്കാർക്ക്‌ അനുകരിക്കാൻ കഴിയുന്നതുമാണ്‌. ഇവരുടെ ഉൽപന്നങ്ങൾക്ക്‌ കമ്പോളത്തിൽ നല്ല വിലയും ഇന്ന്‌ ലഭിക്കുന്നുണ്ട്‌. കാർഷിക കയറ്റുമതിക്ക്‌ ഒട്ടേറെ പ്രാധാന്യമുള്ള നമ്മുടെ സംസ്ഥാനം ഒരു ജൈവ കൃഷി സംസ്ഥാനമായിരിക്കേണ്ടത്‌ (organic State) അത്യാവശ്യമാണ്‌. കാരണം ഇന്ന്‌ ജൈവ ഉൽപന്നങ്ങളുടെ ഗുണം തിരിച്ചറിഞ്ഞ്‌ അതിന്‌ വലിയൊരു മാർക്കറ്റ്‌ സംസ്ഥാനത്തിനകത്തും പുറത്തും വളർന്ന്‌ വരുന്നുണ്ട്‌. നമ്മുടെ കൃഷിക്കാർക്ക്‌ എല്ലാ അർത്ഥത്തിലും ഇതൊരനുഗ്രഹമായിരിക്കും. എന്നാൽ ഒരിക്കൽ ജനിതക മാറ്റം വരുത്തിയ വിത്തുകൾ ജൈവകൃഷിയിടങ്ങളെ മലിനമാക്കുമെന്നതിന്‌ യാതൊരു സംശയവുമില്ല. പല രാജ്യങ്ങളും ജനിതക മാറ്റം വരുത്തിയ ഉൽപന്നങ്ങളുടെ ഇറക്കുമതി നിരോധിച്ചിരിക്കുകയാണ്‌.

അതിനാൽ താഴെ പറയുന്ന ഇന്നാട്ടിലെ വിദഗ്ദ്ധരുടെയും മറ്റുവ്യക്തികളുടെയും ഈ ആശങ്ക നമ്മുടെ ജന പതിനിധികൾ കേന്ദ്ര സർക്കാരിനെ അറിയിക്കണമെന്നും Bt. Brinjal ന്റെയും മറ്റു ജനിതകമാറ്റം വരുത്തിയ വിളകളുടെയും വ്യാപനം ഉടൻ നിറുത്തിവയ്പ്പിക്കണമെന്നും ആവശ്യപ്പെടുന്നു. കേരളത്തിന്റെ പുരോഗമന പദവി നിലനിറുത്തിക്കൊണ്ട്‌ കേരളത്തെ ജനിതക മാറ്റം വരുത്തിയ വിത്തുകളും വിളകളും ഭക്ഷണവും ഇല്ലാത്ത ഒരു സംസ്ഥാനമായി (GM free State) പ്രഖ്യാപിക്കണമെന്നും ഞങ്ങൾ ആവശ്യപ്പെടുന്നു.

എന്ന്‌

നന്ദിപൂർവം

ഡോ. തോമസ്‌ വർഗ്ഗീസ്‌

സി.ആർ. നീലകണ്ഠൻ

പ്രൊ. ആർ.വി.ജി മേനോൻ

പി.ആർ ശ്രീകുമാർ

ആനി പുന്നൂസ്‌

ഡോ. എ.എസ്‌.കെ. നായർ

എസ്‌. ഉഷ

പ്രൊ. എം.കെ പ്രസാദ്‌

ഡോ. എസ്‌. ശാന്തി

ഡോ. സി. തങ്കം

ഡോ. കെ. ശാരദാ മണി